Eskolako lagun minek uste zuten

gizon ospetsua eginen  zela

berak ere bai eta arabera bizi izan zen,

hogei urte bete zituen lanari emana

Orain zer? abestu zuen Platonen mamuak, Orain zer?

 

Idatzi zuen guztia irakurri zioten,

urte batzuen buruan irabazi zuen

bere premiak betetzeko aski diru,
lagun izanak zinez lagunak iraun

Orain zer? abestu zuen Platonen mamuak, Orain zer?

Ametsak oro bihurtu ziren errealitate gozo

etxe txipi zahar bat, emaztea, semea, alaba
aza eta arana eman zioten lurrak,

Poetek eta Argituek hartaz zuten jardun

Orain zer? abestu zuen Platonen mamuak, Orain zer?

Lana egina dago, pentsatu zuen zaharturik,

gaztetako planaren arabera

bazter utzi ditut zoro amorratuak, ez naiz aldendu

ekarri dut zer edo zer perfekziora

baina gorago abestu zuen mamu hark Orain zer?