Robert Strand, 1908-1968

 

 

1. Gorputz hutsa

 

Eskuak zureak ziren, besoak zureak ziren

Baina zu ez zeunden.

Begiak zureak ziren, baina itxita zeuden eta ez dira zabalduko.

Eguzki urruna hantxe zen.

Ilargia hantxe zen, muinoaren sorbalda zurian pausatua.

Bedford Basineko haizea hantxe zen.

Neguaren argi berde zurbila hantxe zen.

Zure ahoa hantxe zen,

Baina zu ez zeunden.

Norbaitek hitz egitean ez zen erantzunik.

Hodeiak jaitsi ziren

Eta ur ertzeko eraikinak estali zituzten,

Eta ura isilean.

Urteak, orduak, zu aurkitu ezean

Besteren eskumuturretara jo zuten.

Ez zen oinazerik. Joana zen.

Sekreturik ere ez. Ez zen ezer esateko.

Itzalak hausterrak barreiatu zituen.

Gorputza zeurea zen baina zu ez zeunden.

Airea bere azalaren kontra inarrosi zen.

Ilunbea bere begietara hurbildu zen.

Baina zu ez zeunden.