Ez atera zaratarik, ez egin hitzik:

oihan bat ikertu behar dute begiek, bihotzak,

espirituak, ametsek…

 

Bistan egonagatik oihan sekretua:

oihana.

 

Isiltasunez zarataka den oihana,

lakioan jausi behar zuen txoriak ihes gin dion oihana,

kantari jarriko den

eta negarrez jarriko den lakioan jausi behar zuen txoriak.

 

Arrautza apurtu zuen lekua

kantari jarriko den txoria, negarrez jarriko den txoria.

 

Oihana. Txoria.

Oihan sekretua, txori gordea

zeure eskuetan.