Oker nengoen denak mendekatuak izango zirela

pentsatu nuenean?

Oker nengoen pentsatu nuenean

zezen gazteen eztarriak lotzen zituen katea

mendekatua izango zela?

 

Oker nengoen

sufrearen umezurtzek

ozeanoa jalgiaraziko dutela

pentsatu nuenean?

 

Doilortu egin nintzen pentsatu nuelarik

ez dago ez maitasunaren, ez barkamenaren, ez aurrerabidearen beharrik,

ez du zertan ontasunik egon lurrean,

ezta hezurdurez osatutako herririk,

ilargira elefanteen mezuak bidaltzen dituenik?

 

Oker nengoen estasi itoari barre egitean

itsasoa kare bizi gisa jalgi zenean

haizeak errautsen gaineko errautsei putz egin zienean

haurraren ezpata muinoaren gailurrean bakarrik geratu zenean...

 

 

Oker nengoen odolezko monumentuak eraiki nituenean?

Oker nengoen Zesarren arpilatzeak mendekatzean?

Oker nengoen? Oker nengoen?

 

Oker nengoen, izarren gainean dantzari,

lurra piztu eta

Europa bere suzko gizarte eta guzti erretzen,

Amerika bere altzairuzko jainko eta guzti suntsitzen,

gizateriaren jazarleak hauts bihurtzen ikustean?

Oker nengoen? Oker nengoen?