Poema Aljeria zoriontsu batentzat
Assia Djebar
«Poème pour une Algérie heureuse» (Poèmes pour l'Algérie heureuse, 1969)
euskaratzailea: Josu Landa
armiarma.eus, 2015
Elurrak Djurdjura-n
Larretxorientzako zepoak Tikjda-n
Tomate luzexkak Uadhias-en
Azotatu ninduten Azazga-n
Antxume ahula Hodna-z gaindi
Zaldiak ihesi Mexria-tik
Gamelua ametsetan Ghardaia-n
Eta nire negar zotinak Djemila-n
Kilkerra kantari Mansurah-n
Belatza hegan Mascara-z gaindi
Ilinti goriak Bu-Hanifia-n
Barkamenik ez Kelaa-n
Basapikuak Tipaza-n
Hiena bat ageri Mazuna-n
Borreroa lotan Miliana-n
Laster nire heriotza Zemura-n
Ardi bat Nedroma-n
Eta lagun bat Udja-tik oso hurbil
Gaueko oihuak Maghnia-n
Nire agonia Saida-n
Urka-bilurra Frenda-n
Belaunen magalean Ued-Foddan-en
Harri artean Djelfa-n
Otsoen harrapakina M'sila-n
Jasminen ederra Kolea-n
Lilitegietako arrosak Blida-n
Bideetan zehar Muzaia-n
Goseak hiltzen nau Medea-n
Erreka lehor bat Xellala-n
Destorbu iluna Medjana-n
Ur hurrupa bat Bu-Saada-n
Eta nire hilobia Sahara-n
Gero alarma Tebessa-n
Malkorik gabeko begiak Mila-n
Zer Zalaparta Ain-Sefra-n
Armak hartzen dituzte Gelma-n
Egunaren dirdira Khenxla-n
Atentatu bat Biskra-n
Soldaduak Nemenxa-n
Azken gudua Batna-n
Elurrak Djurdjura-n
Larretxorientzako zepoak Tikjda-n
Tomate luzexkak Uadhias-en
Festa itxura El Djazira-n
Poema Aljeria zoriontsu batentzat
Assia Djebar
«Poème pour une Algérie heureuse» (Poèmes pour l'Algérie heureuse, 1969)
euskaratzailea: Josu Landa
armiarma.eus, 2015