HEDA HEURE BURUA LEKU OROTAN Amona Carrierentzat
Erakuts iezadazu maitatzen soilik hildakoek dakiten moduan.
Batzuetan hain da bizia zu ikusteko irrika ezen nire burua amesten baitut hegal gorriz mukuru.
Amari sekula egingo ez nituela agindutako gauza horiek egiten ditut.
Ez nindukezun ezagutuko ezta hiria ere.
Hiru autopistek zeharkatzen dute behialako tabako-lurra.
Negar egiten dut gauero zugatik, ez naiz geldituko jaialdi more distiratsuak gorabehera, zeru oro izutzen duten su artifizialak.
Zure hilobia bisitatzeko bidean, non zure seme bakartiaren aldamenean ehortzi zintuzten zeina inork hego egokirik eman ez zion aingeru baten gisara ibiltzen baitzen Youngsvillen, zu ikusi nahi zintudan hiri txiki horretan non gure abizenak soja-labore bat ureztatu baitzuen, nekez laboratua gizon zuri baten promesa pean.
Hilerri zabal horretan hegagorri bat nola ikusi nahi zintudan. Iritsi nintzenean jubileoa han izatea nahi nuen, klera-gorri lumak zerua gezitzen odol-ilargi txiki bat bezala. Uste dut ezingo ditudala hildakoak utzi sekula.
Nire aldarea beste mundu oso batzuez beterik. Jada ez zarenean mamu izango zure seme-alaben artean, biloben artean,
Aingeru oso bilakatzen zarenean, nire etxean lasai lagatako txori, gogoratuko al zara gurekin eta hala moduz eratutako gure bizitzekin?
Badakit lan gogorra dela hilik egotea.
HEDA HEURE BURUA LEKU OROTAN |