EZ DAKIT ZER GERTATZEN ZAIEN SOROEI Ez dut sekula lur-hauts hau utzi gizon bat eraiki nuen harekin galdu-gordean dabil arnasa hartzen eta lehortzen
egun osoak egin ditut soroetan ume baten moduan etzaten naiz haien inguruko basoek
akainez harramazkatu naute belaun atzean aho txikienak emandako muxuak orbainen antzo Youngsvilletik irteten den trenak amonak bezala du usaintzen
amets bateko aire zabalean oinez Amerika zabaleko trenbideek gorpuak dituzte azpian amekin eta haurtxoekin amesten oraindik
lur-hautsa aurkitu nuen nire baitako lekurik bigunenean erauzi egin nuen mito ezpaldu batean moldatu muino belaunaldi luze batean amilka hainbeste erpuruk ninduten zanpatu
EZ DAKIT ZER GERTATZEN ZAIEN SOROEI |