Plaza, hala eraikinez

nola auzotarrek ematen dioten bizitasunaz

hiriaren zentroetako bat dugu.

Gizon bat isilpeko orriak ari da banatzen.

Parkean Suitzako Mendia,

Labirintoa, Txinako pabiloia eta Greziako tenplua.

Gizon bat isilpeko orriak ari da banatzen.

Kalea okerra eta estua da,

antzoki bat dauka, bi kabaret eta hogeita hamar kafe.

 Gizon bat isilpeko orriak ari da banatzen.

Eraikin honetan daude

lantegiko bulegoak

biltegi eta tailerrarekin.

Gizon bat isilpeko orriak ari da banatzen.

Giltzapeturik eta kalabozoan abandonaturik

ikasle zein langile.

Gizon bat isilpeko orriak ari da banatzen.

Ministroak, Administrazioko Buruak

eta pertsona goitu eta mailadunak ikusi ahal izateko

audientzia eskatu behar zaie idatziz.

Gizon bat isilpeko orriak ari da banatzen.

Elizak, dorrerik ez daukan arren,

gain hartzen die kaleko eraikinei.

Gizon bat isilpeko orriak ari da banatzen.

Sartu dira otseinak

banketea mahaian dagoela anuntzio.

Gizon bat isilpeko orriak ari da banatzen.

Ez etxerik ez zapatarik

leize zuloetan bizi den jendea, aldirietan.

Gizon bat isilpeko orriak ari da banatzen.

Komisaldegian,

kapelua eta berokia duen jaun batek salatu du

Gizon bat isilpeko orriak ari dela banatzen.