Calders, Pere. Idazle katalana (Bartzelona, 1912). Lehen ipuinak (El primer arlequí) 1936an argitaratu zituen. Espainiako gerra zibila amaitu zenean Mexikora jo behar izan zuen ihesi. Bertan Cròniques de la veritat oculta (1955, Ezkutuko egiaren kronikak) liburua argitaratu zuen. Kataluniara itzuli ondoren bi eleberri (L'ombra de l'atzavara, 1964, eta Ronda naval sota la boira, 1966, Lainopeko itsas erronda) eta kontakizun bilduma bat (Aquí descansa Nevares, 1967) argitaratu zituen. 1978an Invasió subtil i altres contes ipuin bilduma eman zuen eta 1983an Tot s'aprofita liburua. Urte berean, berriz, argitaratu ziren bere Unitats de xoc, gerra zibilean (1938 urtean) idatzi zuen egutegia eta egin zituen marrazkiak azaltzen diren liburua. Kontakizun laburrak landu zituen batik bat.

[Idazleari buruzko informazio gehiago]