Liam O'Flaherty,  (irlanderaz Liam Ó Flaithearta) (Inishmore, 1896/08/28  — Dublin, 1984/09/07) idazlea. Inishmore-n jaio zen, Aran Uharteetako irletan nagusiena. Soldadu izan zen Gerra Handian, borrokalari gerra zibilean, Alderdi Komunistako kide, zine gidoilari Hollywooden, idazle gaztetatik. Nobela handiak argitaratu zituen — John Fordek zinemara eraman zuen Salataria (1925), Gosetea (1939), Matxinada (1950)…—, eta generoa literatoen atzaparretatik libre, herri kontakizunetik gertuago nahi dituen ipuinak —Tiratzailea (1923) du, dudarik gabe ezagunena—. Antzerkia eta haur literatura ere landu zituen. Ia obra guztia ingelesez izanagatik, badu irlanderaz idatzi zuen ipuin bilduma bat, Desioa (Dúil, 1954), askoren iritziz hizkuntza horretan plazaraturiko guztien artean bikainena.  

[Idazleari buruzko informazio gehiago]