Ellison, Ralph. Estatu Batuetako idazlea (Oklahoma City, 1914 - New York, 1994). Bigarren Mundu Gerraren ondoren The invisible man (Gizon ikusezina, 1952) arrakasta handia izan zuen eleberria argitaratu zuen. Nobelan, iragan mendeko 30eko hamarkadako New York hirian, gizakia bere identitatearen eta gizartean duen lekuaren bila jarri zuen, izenik ez duen arraza beltzeko gizon baten bitartez; arrazakeriaren modu ezberdinak eta haren ondorio alienagarriak jorratu zituen. Ellison Unibertsitateko irakaslea zen, eta saio ugari idatzi zuen Estatu Batuetako kultura berriari buruz. Autobiografia saio bilduma bat eman zuen argitara 1964. urtean: Shadow and Art (Itzala eta Artea).

[Idazleari buruzko informazio gehiago]