Spezia, Abuztuko Andra Mariak

 

Batela kulunketan

itsaso gainean

ikusi eta barre

ene maitaleak

 

Ertz osoa distiran

lore eta kantu

goialdean kanoiek

badute zer zaindu

 

Elizako arnasa

arrosa intsentsu

zerura doa zenbait

errezo usaintsu

 

Lore sorta betek jo

naraman batela:

ene maitalea izan da

lurrinez matela

 

Arrosa eta bioleta

zu zara madonna,

inguratzen zaituen

eguzkiaren ondra!

 

Baina arraun arinak

sorta du desegin

loreak urrun doaz

uhinetan arin

 

Batela kulunketan

itsasoz itsaso

ene maitale ona

mutu niri da so

 

Lehorra jo genuen

gotorleku azpian

itzalek hausten zuten

udako argian

 

Lorez gainezka noa

kalemaldan gora

eguzkia aurpegian

kopeta itsasora

 

Sortaka ditut jaurti

kanoien ahora

pozez eta ikaraz

zurbildu arrosak