KRISTALEZKO IZENORDAINAK 1.
Abesti hautsia zara, apirilaren gorputzean iltzatua. Goizaren amiltze harritsu hau hotzikaradun kristala da Usain baten aurrean ireki zaitu izatez arroza apailatzearen usaina dena Harmonia bat jaio da egunsentiaren lerro gainean Zuhaitz hostogabetu baten enborrean egitura metaliko bat ernetzen denean nori jaurtitzen dio haragia nire masailaren itzalak? Zergatik hegaldatzen dira aizto-lumak errefuxiatuen oihal-dendetarantz? Denbora gatzatu egiten da musika klasikoaren horiaren gainean… Eskatzen dizut mesedez jakinarazteko ea abesti zahar haiek bakarka irakurtzeko gutun bihurtu ziren ala
2.
Izan zintezkeen hosto urdina noiz edo noiz Zure higidura artifiziala erromeria bateko oihal kolorgerantz desagertu egiten da koloreen hodei kristalezkoaren barruan Hizkuntza zaharra da lore zuri baten isiltasunean jausten Pal-pal geratutako arratsa zure bitxi arinaren soinua al da? Itxaronaldi hau al da haraneko ardien zintzarrien durundi biribila? Abesti hautsia zara, apirilaren gorputzean iltzatua.
KRISTALEZKO IZENORDAINAK |