Uste dut guda ekarri nuela neurekin

larruan, hil-oihal bat

garezurraren bueltan, gaia azazkal azpian.

Oinetan esertzen zait telebista ikusi bitartean.

Haren arnasaldi hezea entzuten dut

telefono dei bakoitzaren atzealdean. Ohean

sumatzen dut lotan gure artean. Bizkarra

xaboitzen dit dutxan. Konketaren aurka

estutzen nau komunean.

Gauean, pilulak ematen dizkit, eskua

eusten dit, ez dut haren begirada inoiz topatzen.