OROIGARRIA
Guda ekarri zenuen zeurekin jakin gabe, ausaz, zure larruan maleta presatuetan argazkietan haren lumak zure ilean azazkal azpian beharbada egongo zen zure odolean.
Batzuetan familia osoarekin etorri zinen, batzuetan ezer gabe, ezta zure itzala ere lurzoru berrian lurreratuz agerpen nabari bat nola jeans gogorrez eta irribarre etsiz, prest kabitzeko, gogor lan egiteko guda ahazteko odola ahazteko.
Guda zure egongelako izkinetan eserita dago zurekin egiten du barre telebista saioetan hutsuneak betetzen ditu zure elkarrizketa guztietan hasperen egiten du telefono deien isiluneetan aitzakiak ematen dizkizu egoerak, topaketak, jendea, herrialdeak, maitasuna uzteko; guda ohean etzaten da zure eta lagunaren artean atzean zutik izaten duzu komuneko konketan dentistak ere atzera egin zuen jauzi zure ahoko zizare-zulotik. Susmoa duzu segur aski guda zuela ikusi, hainbeste odol.
Bakea ezagutzen duzu guda luze batetik bizirik irten denak nola, har ezazu egunez egun guztiak baitu guda posible baten usaina; badakizu guda bat zein erraz has daitekeen une batez barealdia, segidan odola.
Gudak koloreztatzen dizu ahotsa, bai epeldu ere. Ez du joerarik erakusten hiltzaile ala samindu izan ote zinen. Inork ez du galdetzen. Biak izan zinen ausaz. Ez diozu aspaldian inori musurik eman. Zuretzat, denak du odol zaporea.
OROIGARRIA |