Biluz ikusi zaitut

ederraren eder

begia dut itsutu

onik ote naizen.

 

Kantuz aditu zaitut

doinuaren doinu

belarria dut gortu

zoroak hala ohi du.

 

Ahoz dastatu zaitut

eztiaren ezti

bihotza dut gotortu

hiltzera ezin etsi.

 

Itsutu dut begia

gortu belarria

gotortu dut bihotza

ito guraria.

 

Bizkarra dut itzuli

zure agermenera

burua dut itzuli

aurreko bidera.

 

Burua dut itzuli

aurreko bidera

ikusteko ekintzan

noala hiltzera.