Ez naiz elizara joaten

baina errezatzen dut batzuetan

orain bezala

ez dut inoiz niretzat ezer eskatzen

besteentzat soilik

baina ama guztiak bezala

nire seme-alabekin arduratuta nago

mesedez jainko maitea

montana haserre batean

uztear den

nire alaba

ze 18 urte ditu

ta ja ez du nahi INORK

zer egin behar duen esaterik

mesedez jainko maitea

baretu ezazu

lasai gida dezala

utziozu heldu bihurtzen

eta GERA DADILA RENON

bere aiton-amona eta anaiekin

JOAN DADILA UNIBERTSITATERA

ta lortu harantzako lan on bat

UTZI ZORIONTSU IZAN DADIN

mesedez jainko maitea

ez iezaiozu utzi

reno atzean utzita

las vegaseraino gidatzen

bere lagun onenak dioena entzunda

“lan bikainak hemen!

unibertsitate beharrik ez!

egin zaitez strip-tease dantzari

ta erosi bular handiak

inoiz amestu baino

diru gehiago egingo duzu!”

mesedez jainko maitea

egingo diozu fabore hori?

egingo didazu fabore hori?

edo besterik gabe disimuluz

utziko diozu dolarreko billetea tangan?