Fante, John. Estatu Batuetako idazlea (Colorado 1909 - Kalifornia 1983). Hollywoodeko zinemagintzan gidoilari lana egin zuen batez ere, eta liburuak ere idatzi zituen. Horien artean garrantzitsuenak autobiografia kutsua duten Arturo Bandiniren saga osatzen duten hirurak dira: Wait until spring, Bandini (1938, Itxaron udaberria arte), Ask the dust (1939, Galde iezaiozu hautsari), eta Dreams from Bunker Hill (1982, Bunker Hilleko ametsak, Aintzane Ibarzabalek euskarara itzulia). Kalifornian idazle izan nahi zuen pertsonaia xelebre baten kontakizunak biltzen dira bertan. Beste zenbait liburu: Dago Red (1940), Full of life (1952, Biziaz betea), The brotherhood of the grape (1977, Mahatsaren anaiartea). Hil ondoren izan zuen arrakastarik handiena bai Europan eta baita Estatu Batuetan ere.

[Idazleari buruzko informazio gehiago]