Burroughs, William Seward. Estatu Batuetako idazlea (Saint Louis, Missouri, 1914 - Lawrence, Kansas, 1997). Beat Generation delako higikundeari lotua, drogazale eta abenturazalea izan zen. 1959an bere esperientzietan oinarrituriko Naked Lunch (Bazkari biluzia) eleberri bitxia, pornografikoa eta satirikoa eman zuen argitara. Burroughsen unibertso gordina, fantasmagorikoa eta homosexuala The Soft Machine (Makina biguina, 1961), Nova Express (1964) edo The Wild Boys (Mutil basatiak, 1971) liburuetan islatzen da. 1953an idatziriko Junkie liburuan egiantza handiz deskribatzen du drogen inguruko giroa.

[Idazleari buruzko informazio gehiago]