Shaftesbury-ko kondea (Anthony Ashley Cooper). Politikari eta filosofo ingelesa (Londres, 1671 - Napoli, 1713). Izen bereko kondearen eta Ingalaterrako deista nagusiaren biloba. Locke-ren ikaslea izan zen, eta geroago haren babeslea. 1695-1702. urteetan Parlamentuko kidea izan zen. Shaftesburyren ustez, gizakiak onaren eta gaizkiaren sena du, eta horrek ontasunera gidatzen du, norberekoikeriatik aldenduz. Pentsaera eta politika askatasunaren aldekoa izan zen. Idatzi nagusiak Characteristics of Men, Manners, Opinions, Times (1711) lanean bildu zituen. Berehalako eragina izan zuen Europan; Shaftesburyren lanen itzulpenen bitartez ingeles deismoaren erakutsiak Alemanian zabaldu ziren.

[Idazleari buruzko informazio gehiago]