Anakreonte. Poeta liriko greziarra (Teos, Lidia, K.a. VI. mendearen bigarren erdia). Samoseko Polikrates eta Atenaseko Hiparko tiranoen gorteetan bizi izan zen. Haren obretatik gaur eguneraino iritsi diren zatiek ardoa, jatearen atseginak eta, batez ere, amodioa kantatzen dituzte. 1554ean Henri Estienne-k argitaratu zuen Anacreonteia-n bilduriko poema laburrak —II. mendekoak bide ziren alexandriar imitatzaileek burutuak— Berpizkundeko poesia anakreontetarra delakoaren inspirazio iturri gertatu ziren.

[Idazleari buruzko informazio gehiago]