Blanco Amor, Eduardo. Idazle galiziarra (Ourense, 1897 - Vigo, 1979). Poesia landu zuen 1936 arte: Romances galegos (1928), Poema en catro tempos (1931). Argentinan eleberri bat eta zenbait antzerki argitaratu zituen gazteleraz. Geroago kontalari bikain gisa agertu zen. Ipuin liburuez gainera, eleberriak idatzi zituen: A esmorga (1959), bizitzaren lekukotza garratza; Os biosbardos (1962), haurtzaroko giroan kokatua, osagai errealista eta erromantikoak nahasian biltzen dituena. Galegozko antzerkirako funtsezko ekarria da Blanco Amorrena: Farsas pra títeres (1973), Teatro pra a xente (1974).

[Idazleari buruzko informazio gehiago]