Fromm, Erich. Estatu Batuetako psikoanalista eta filosofoa, alemaniarra jatorriz (Frankfurt am Main, 1900 - Muralto, Suitza, 1980). Estatu Batuetara emigratu zuen 1934ean, Alemania nazitik ihesi, eta Ameriketan ondu zuen bere obra. Freuden ikasle izan zen baina, hark ez bezala, pertsona biologiaren emaitza izateaz gainera, gizartearena ere bazela uste zuen. Frommek psikologiaren eta gizartearen psikoanalisiaren printzipioen bidez kultura arazoei irtenbidea emanez, Frommek uste zuen gizadia gai izango litzatekeela psikologikoki "gizarte osasuntsu" bat eratzeko. Idatzi zituen lan ugarien artean (Freuden teoriari, erlijioari, marxismoari buruzkoak), The Art Of Loving (1956, Maitatzearen artea) eta Escape form Freedom (1941, Askatasunaren beldurra) dira ezagunenak.