Kadare, Ismail. Idazle albaniarra (Gjirokastra, 1936 - Tirana, 2004). Haurtzaroan faxismoaren gogortasuna nozitu zuen, eta ondoren gerrak eraitsitako Albaniaren antolakuntza berriaren garaian izan zuen hezkuntza. Tiranan hasitako literatura ikasketak Moskun jarraitu zituen, Gorki Institutuan. 1954an argitaratu zuen lehen poema liburua (Gaztaroko inspirazioak) eta handik hiru urtetara Amets gaiak. Moskun zelarik Albaniaren eta SSBBaren arteko harremanak eten ziren (1960); garai hartakoa da Negu luzea eleberriaren lehen idazketa. Etenaren ondorioz Albaniara itzuli eta Drita (Argia) izeneko aldizkarian zuzendari lanetan aritu zen, eta kazetari lanari ekin zion. Lehen eleberri argitaratua Armada hileko jenerala (1967) izan zuen. Handik hara, eleberrigintzan nabarmendu da, batez ere. Kadareren eleberririk ezagunenak dira: Lotsaren hilobia, Eztei bidaia, Apiril urratua, Kontzertua, Hiru begiko zubia, Harrizko herriaren kronika, Ametsen jauregia. Obra horietan Albaniaren historia kontatzen du era berezi batean, historiari atxikirik batzuetan, errealismo sozialistaren ikuspegitik bestetan. Diputatu izan da anitzetan Albaniako legebiltzarrean eta Albaniako Fronte Demokratikoko lehendakariordea izana da. Gaur egun Parisen bizi da.

[Idazleari buruzko informazio gehiago]