Goytisolo, Juan. Idazle espainiarra (Bartzelona, 1931 - Marrakex, 2017). 1954ean argitaratu zuen Juegos de manos lehen eleberria. Gizarteko arazoak jasotzen zituen bere eleberrietan: Duelo en el paraíso (1955); Fiestas (1955); El circo (1957), La resaca (1958); Fin de fiesta (1962); Señas de identidad (1962), bere garaiko eleberri garrantzitsuena. Lan horretan Parisen gertatu zitzaion deserrotzea kontatzen du, teknika erabat berritzaileekin. Gerra osteko Espainiako gizartea eta, batipat, burgesia kritikatzen zituen bere obretan. Ondoren plazaratu zituen Juan sin tierra (1975), Makbara (1980), Las virtudes del pájaro solitario (1988), La cuarentena (1991), La saga de los Marx (1993), Carajicomedia (2000), Telón de boca (2003), El exiliado de aquí y de allá (2008). Marokoko Laraxen ehortzi zuten, Jean Genet idazlearen hobiaren ondoan.

[Idazleari buruzko informazio gehiago]