EZALDIAN IDATZITAKO BERTSOAK Noiz begietsi ditut azken aldiz ilargiko lehoinabar ilunen begi biribil berdeak eta gorputz luze ingurutsuak? Sorgin betizu guztiak, andere txit leinargiak, beren erratzekin eta beren malko guztiekin, beren malko suminekin, joan egin dira.
Mendietako zentauro sakratuak haizatu egin dira; eguzki hiratua baino ez dut nirekin. Ilargi amandre heroikoa airatu egin da; eta berrogeita hamar urte bete ditudan honetan eguzki herabea behar dut jasan.
EZALDIAN IDATZITAKO BERTSOAK |