Langston Hughesen maneran

 

Breizdarra naiz

Luis erregearen untzietan galeriano

bideak zilatu ditut, beren hiri nagusira,

harri zamak ekarri eta palazioak eraiki dizkiet

 

Soldado izana naiz

Plawoureko xaretan nere ehorzketak kantatu ditut

Errusiako zelai elurdunetan usteldu naiz

Verduneko trintxera buztinatsuetan odola botatu dut

beltzak hil ditut

eta xehatu adoratzen zituzten jainkoak.

 

Mutil egona naiz

galtzaileen irria ukan dut zerbitzatzeko orduan

nagusiei bezala bestei mintzatzen ikasi dut

Pariseko harrietan herrestatu ditut oinak.

 

Eta farrezka jar arazi ditut

joastalari nintzelako.

 

Martirio izana naiz.