AVE MARIA
Frank O'Hara

Ave Maria
euskaratzailea: Julen Apella Santamaria
armiarma.eus, 2021

 

Amerikako amak

                     utzi zuen seme-alabei zinemara joaten!

atera itzazue etxetik ez dezaten jakin zer ari zareten ezkutuan prestatzen

egia da aire hotza ona dela gorputzarentzat

                                                           baina zer diozue iluntasunean

hazten den arimaz, zilarrezko irudiez goldatua

eta zahartzen zaretenean zeren halabeharrez zahartuko baitzarate

                                                           ez zaituztete gorrotatuko

ez zaituztete kritikatuko ez dute jakingo

                                         herrialde xarmangarriren batean egongo dira

larunbat arratsalde batean edota hockeyra jokatzen lehen aldiz ikusi zutena

agian esker oneko eta guzti izango dira

                                                   haien lehen esperientzia sexualagatik

zeinak hogeita bost xentimo soilik balio izan zizuen

eta ez zuen etxeko bakea izorratu

jakingo dute nondik datozen goxokiak

                                                      edota doako krispeta poltsak

pelikula amaitu aurretik ospa egitea bezain doakoak

haren apartamentua, Williamsburg zubitik hurbil

Zerua Lurrean eraikinean duen

ezezagun atsegin batekin

                                   o amak mukizuak horren zoriontsu egingo zenituzkete

zeren inork ez baditu batzen zinematik

ez baitute ezagutuko desberdintasuna

                      eta norbaitek eginez gero gehigarri bat besterik ez baita izango

eta edozein kasutan zinez entretenigarria izango litzateke haientzat

harat-honat ibili beharrean patioan

                                  edo haien logelan

                                               zuok gorrotatzen

behar baino lehen ez duzuelako oraindik ezer izugarri krudelik egin

haiek bozkario ilunenetatik aldentzea salbu

                        azken hori barkaezina da

beraz ez leporatu niri ezer ez baduzue gomendio hau aintzat hartzen

                                                                  eta familia desegiten bada

eta zuen seme-alabak zahar eta itsu bilakatzen badira telebista baten aurrean

gazteak zirenean ikusten utzi ez zenizkieten

                                                       pelikulak ikusten

 

 

Ave Maria

Mothers of America / let your kids go to the movies! / get them out of the house / so they won’t know what you’re up to / it’s true that fresh air is good for the body / but what about the soul / that grows in darkness, embossed by silvery images / and when you grow old as grow old you must / they won’t hate you / they won’t criticize you they won’t know / they’ll be in some glamorous country / they first saw on a Saturday afternoon or playing hookey / they may even be grateful to you / for their first sexual experience / which only cost you a quarter / and didn’t upset the peaceful home / they will know where candy bars come / from / and gratuitous bags of popcorn / as gratuitous as leaving the movie before it’s over / with a pleasant stranger whose apartment is in the Heaven on Earth Bldg / near the Williamsburg Bridge / oh mothers you will have made the little tykes / so happy because if nobody does pick them up in the movies

they won’t know the difference / and if somebody does it’ll be sheer gravy / and they’ll have been truly entertained either way / instead of hanging around the yard / or up in their room / hating you / prematurely since you won’t have done anything horribly mean yet / except keeping them from the darker joys / it’s unforgivable the latter / so don’t blame me if you won’t take this advice / and the family breaks up / and your children grow old and blind in front of a TV set / seeing / movies you wouldn’t let them see when they were young.

 

AVE MARIA
Frank O'Hara

Ave Maria
euskaratzailea: Julen Apella Santamaria
armiarma.eus, 2021