Zaldi bat zara bakarrik korrika

eta berak bezatu nahi zaitu

ezinezko autobide batekin alderatzen zaitu

sutan den etxe batekin

dio itsutu egiten duzula

ezinezkoa zaiola zu uztea

zu ahaztea

zu ez beste inor desiratzea

nahasi egiten duzu, jasanezina zara

zure aurretik eta ondoren egondako emakume guztiak

zure izenaz blai daude

bere ahoa betetzen duzu

zaporearen memoriaz minduta ditu hortzak

bere gorputza zurearen bila dabilen

itzal luze bat baino ez

baina zu sutsuegia zara beti

beldurgarria da bera desiratzeko duzun modua

lotsagabea eta sakrifiziala

esaten dizu zure buru barruan bizi den gizonaren

neurrikorik ez dela

eta zu aldatzen saiatu zara ezta?

 

Zure ahoa areago itxi

Leunagoa izaten saiatu

Politagoa

Ez horren aldakorra, ez horren bizia

Baina lo zaudenean ere suma dezakezu

zugandik urrutiratzen ametsetan

Beraz zer nahi duzu, nere,

Haren burua erditik ireki?

Ezin dituzu etxeak pertsonen baitan eraiki

Jakin beharko zenuke dagoeneko

Eta berak joan nahi badu

Utzi joaten

Izugarria zara

Eta bitxia eta ederra

Eta edonork ez daki hori nola maitatu