Garibai eta Zamalloa, Esteban. Historialari eta errege kronikaria (Arrasate, 1533 - Madril, 1599). Oñatiko unibertsitatean, Gasteizen eta Santo Domingo de la Calzadan egin zituen ikasketak. Arrasateko alkate izan zen 1568-1569 bitarteko urteetan. Espainiako lehen historia unibertsala idatzi zuen, 40 liburukitan banatua, 32 urte zituela (Los XL libros del Compendio historial de las chronicas y universal historia de todos los reynos de España, 1571). Felipe II.ak erregearen liburuzain izendatu zuen 1575ean eta Espainiako erregearen kronikari 1592an. Euskarazko esaera zaharren bilduma bat egin zuen, Julio de Urquijok RIEV-en argitaratua.

[Idazleari buruzko informazio gehiago]