Ibarbourou, Juana de. (Juana Fernández Morales). Uruguaiko idazlea (Melo, 1892 - Montevideo, 1979). Uruguaiko Akademiako partaide hautatu zuten 1947an, eta bertako literatura saria eman zioten 1959an. Amodioa du gai behinena bere lanetan. Obra nagusiak: Las lenguas del diamante (1919), berehala ospea eman zion liburua; Cántaro fresco (1920), hitz lauz idatzitako olerkiak; Raíz salvaje (1922), izadiaren amodioa azaltzen duena; La rosa de los vientos (1930), mina eta misterioaren azterketa zorrotza; Chico Carlo (1944) bere haurtzaroa kontatzen duen lana; Los sueños de Natacha (1944), umeentzako antzerkia. Los mejores poemas izenburupean 1968an poema bilduma argitaratu zuen.

[Idazleari buruzko informazio gehiago]