Fo, Dario. Italiako antzerki idazle, antzerti zuzendari eta antzezlea (Leggiuno Sangiamo, 1926 - Milan, 2016). Bere lehenengo antzerki lan satirikoak kabaret eta areto txikietarako egin zituen. Fanca Rame antzezlearekin ezkondu zen, eta Campagnia Dario Fo-Franca Rame taldea eratu zuten 1959an. Italiako telebistan egindako ikuskizunek eta antzerki lan umoretsuek fama handia ekarri zioten bikoteari; politika zuten gai nagusia, zorroztasun handiz aztertuta. 1968an Nuova Scena talde berria sortu zuten, Alderdi Komunistarekin harremanak zituena; 1970ean La Comune antzerki taldea eratu zuten, eta parkeetan, eskoletan eta leku publikoetan antzerki emanaldiak eskaini zituzten. Lan nagusien artean: Morte accidentale di un anarchico (1974, Anarkista baten ustekabeko heriotza) eta Non si paga, non si paga! (1974, Ez dugu ordainduko, ez dugu ordainduko!), Clacson, trombette e pernacchi (1981, Izuaren aurpegia). Nobel saria izan zen 1997an.

[Idazleari buruzko informazio gehiago]