Capote, Truman. (Stekfus Persons benetako izena). Estatu Batuetako eleberrigilea (New Orleans, 1924 - Los Angeles, 1984). Hamazazpi urte zituela eskola utzi eta Other Voices, Other Rooms (Beste ahots batzuk, beste eremu batzuk, 1948an argitara emana) lehen nobela idatzi zuen, aitaren bila ari den haur baten fantasiazko historia kontatzen duena. Oroitzapenetan murgiltzen segitu zuen The Grass Harp (Belarrezko Arpa, 1951) bigarren liburuan, eta geroagoko The Thanksgiving visitor kontakizunean (1967, Eskerregite eguneko bisitaria). Oso desberdina izan zen Breakfast at Tiffany's (1958; Gosaria Tiffany's-en), umoretsua, anekdotez betea eta baikorra. Kazetarien teknikak bere eginez, In Cold Blood (1966; Odol hotzean) eleberria aurkeztu zuen. Bertan, benetako hilketa baten istoria eraikitzen du, zehatz-mehatz. Not fiction novel deitu zien kontakizun mota horiei (fikziozkoak ez diren eleberriak). 1980an Music for chamaleons argitaratu zuen, kontakizunak, erretratuak eta erreportaiak bilduta. Estatu Batuetako hegoaldeko eskola neorromantikoko idazle hoberena izan zen inola ere.

[Idazleari buruzko informazio gehiago]