Sterne, Laurence. Idazle britainiarra (Clonmel, 1713 - Londres, 1768). Cambridgen egin zituen ikasketak. 1738an apaiz ikasketak hasi zituen, bere osaba Jacquesen eraginez, elizako karguduna baitzuen hau. 1762tik 1764ra Frantzian bizi izan zen eta 1765ean Frantzian eta Italian zehar bidaiatu zuen. Londresa itzulirik, 1766an Elizabeth Draper-ez maitemindu zen eta haren omenez idatzi zuen Letters from Yorick to Elize (1775, Yorick-en gutunak Elize-ri). Idazlanak. The History of a Good Warm Watchcoat (1759, Beroki on baten historia), libelo politikoa; The Life and Opinions of Tristram Shandy, gentleman (1760-1767, Tristram Shandy zaldunaren bizitza eta iritziak), bederatzi liburukitan argitaratutako eleberri bitxi, ausart eta berritzailea, umore handiz idatzia eta Locke-ren eragina duena; A Sentimental Journey Through France and Italy (1768, Bidaia sentimentala Frantzian eta Italian zehar).

[Idazleari buruzko informazio gehiago]