Kazantzakis, Nikos. Idazle greziarra (Iraklion, Kreta, 1885 - Alemaniako Friburgo, 1957). Atenasko unibertsitatean (1902-1906) eta Parisen (1907-1909) ikasi zuen. Espainia, Ingalaterra, Errusia, Egipto, Palestina eta Japonian barrena egin zituen bidaiak. Greziako gobernuko ministroa izan zen 1945ean eta Parisko UNESCOn lan egin zuen (1947-1948). Zabala da Kazantzakisen obra, genero guztiak landu zituen: filosofia, saiakera, bidaia liburuak, tragediak, nobelak. Obra klasikoen eta eleberrien  itzulpenak ere egin zituen. Obra nagusiak: Odissa (1938), 33.333 bertsotako poema epikoa; Alexis Zorbaren hitzak eta egintzak (1946), Michalis Kapitaina (1953), Kristoren azken tentaldia (1955).

[Idazleari buruzko informazio gehiago]