Sagan, Françoise. Idazle eta zinegile frantsesa (1935-2004). Bere lehen eleberriak, Bonjour, tristesse (1954, Tristezia, zer berri), ospe handia eman zion: gazteen mundua eta sentipenak ditu gaitzat, eta gaztarotik heldutasunerako igarotze mingarria agertzen du orobat hurrengo obrak, Un certain sourire (1956, Halako irribarrea). Hurrengo obrak helduagoak dira: Dans un mois, dans un an (1957, Hilabete barru, urtebete barru), Aimez-vous Brahms? (1959, Atsegin zaizu Brahms?). Antzerkirako obra ugari idatzi zituen, bestalde: Les Violons parfois (1961, Biolinak zenbaitetan), Le cheval évanoui (1966, Zaldi unatua), Un piano dans l'herbe (1970, Pianoa belardian), Il fait beau jour et nuit (1978), L'Excès contraire (1987). Eleberrien artean aipagarri dira La chamade (1965, Kapitulazioa), Des bleus à l'âme (1972), Le lit défait (1977, Ohe desegina), Les faux-fuyants (1991, Aitzakiak), Un chagrin de passage (1993), Le Miroir égaré (1996).

[Idazleari buruzko informazio gehiago]