Pinter, Harold. Idazle ingelesa (Londres, 1930 - 2008). Bigarren Mundu Gerra ondoko antzerkigintzako joera berritzaileetako idazle nagusietakoa da. Obra lirikoaren bidez hizkuntzaren baitako ahalmenak bilatzen saiatu da. Obra nagusiak: The Room (1957, Gela), The Birthday Party (1958, Urtebetetze jaia), The Lover (1963, Maitalea), Tea Party (1965, Tea jaia), Landscape (1969, Landa ikuspegia), Silence (1969, Ixilunea), Night (1969, Gaua), Old Times (1971, Iraganeko sasoiak), No Man's Land (1975, Inorena ez den lurraldea), Betrayal (1979, Traizioa). Zinemarako ere idatzi du: Zerbitzaria (1963), Istripua (1964), Butley (1973), Family Voices (1981, Familia arteko ahotsak) eta Victoria Station (1982, Victoria geltokia).

[Idazleari buruzko informazio gehiago]