Hasek, Jaroslav. Idazle txekiarra (Praga, 1883 - Lipnice, 1923). Nortasun bitxiko pertsona izan zen. Hainbat lanbidetan aritu zen, tarteka kalez kaleko bizitzari emana, eta taberna zuloetako giroan pasa bide zuen ordu asko. 1916an Lehen Mundu Gerran desertatu egin zuen errusiarretara pasatzeko eta Austriaren aurka borrokatzeko. 1918an Armada Gorrian sartu zen. Umorezko kontakizun askoren egilea izan zen; berak asmaturiko Svejk pertsonaia guztiz ezaguna da. 1920an, Pragara itzulirik, hasi zen Svejk soldadu adoretsuaren abenturak idazten, eta hiltzean eleberria amaitu gabe utzi zuen. Antiheroi horren gerrako gorabehera tragikomikoak kontatzen ditu Hasek-ek ironiaren, burlaren eta parodiaren bidez.

[Idazleari buruzko informazio gehiago]