Dahl, Roald. Idazle ingelesa (Gales, 1916 - Londres, 1990). Haur eta gazteentzat idazten zuen. Bigarren Mundu Gerran hegazkinetako piloto izan zen. Gerrako oroitzapenetan oinarrituta, The Gremlins izeneko liburua idatzi zuen. Ezkondu eta familia izan zuenean hasi zen haurrentzat eta gazteentzat idazten eta, harez gero, etengabe ihardun zuen horretan. Arrakasta handia dute idazle jori honen liburuek; batzuk euskarara itzuli dira. Lan aipagarri batzuk: James eta melokotoi erraldoia (1961); Charlie eta txokolate lantegia (1964); The Witches (Sorginak); Erraldoi On Miragarria; George's marvellous medicine (Georgeren medizina miragarria). Azken hirurak Joan Mari Irigoienek itzuli ditu euskarara.

[Idazleari buruzko informazio gehiago]