ITZULIKO GARA Palestina maitea, nola egingo dut lo Torturaren mamua artean begietan dudala. Mundua purifikatzen dut zure izenarekin eta zure maitasunak agortu ez banindu, gordean izango nituzkeen ene sentimenduak. Egunen karabana badoa eta mintzo da etsaien eta lagunen konspirazioaz. Palestina maitea! Nola biziko naiz zure bailara eta muinoetatik aparte? Odolez tindaturiko mendien oinak deika ari zaizkit eta zerumugan tindura ageri da. Hegi malkodunak deika ari zaizkit, eta nire oihartzun malkodunak, denboraren belarrietan. Erreka iheslariak deika ari zaizkit, arrotz bihurtzen ari dira haien lurrean Zure hiri zurtzak deika ari zaizkit eta zure herriak eta kupulak. Lagunek galdetzen didate: “Elkartuko gara berriro?” “Itzuliko gara?” Bai! Musukatuko dugu lur ihinztatua, desira gorriak gure ezpainetan daude. Bihar, itzuli egingo gara eta belaunaldiek entzungo dute gure urratsen oin-hotsa. Ekaitzekin itzuliko gara, Tximista eta trumoiekin, Itxaropen eta kantuekin, Arrano hegalariarekin, Basamortuei barre egiten dien ilunabarrarekin, Itsasoko uhinetako goizalbarekin, Ikurrin odolduekin, Eta azkon eta gezi distirantekin.
ITZULIKO GARA |