ARROSADIA
William Butler Yeats

The rose tree, 1917
euskaratzailea: Koldo Izagirre
armiarma.eus, 2016

 

Zein merkea den gure solasa!

Pearsek esan Connollyri

Hitz politiko epelek dakarte

arrosadia ihartzea,

edo agian iparra izan da,

itsasaldeko haizea.


Eta Connollyren erantzuna:

Aski duzu ureztatzea

etorriko zaio berdetasuna

ninika loratzeraino

ederragoa bihurtuko da

beste edozein landare baino.


Ura nondik atera ordea,

Pearsek Connollyri,

putzuak idor baldin badaude?

Argi dago, guztiz argi:

gure odolak du zutituko

ihartu dena arrosadi.

 

ARROSADIA
William Butler Yeats

The rose tree, 1917
euskaratzailea: Koldo Izagirre
armiarma.eus, 2016