Camoe~s, Luis de. Portugaldar olerkaria (Lisboa, 1524 - Lisboa, 1580). Abenturazale amorratua izan zen: Afrikako, Indiako eta Ekialde Urruneko lurraldeetan barrena ibili zen eta neke ugari nozitu zituen bere bizitzan zehar. Camoe~s Portugalgo berpizkundeko poeta handiena izan zen. Os Lusíadas («Lusoren ondorengoak» edo Portugaldarrak, 1572) poema epiko handiak gertakizun haiek ekarri zituen gogora. Hamar kantuk osatzen duten poema honetan, Portugalen historia eta Vasco de Gamaren aurkikuntzak eman zituen ezagutzera Camoe~sek. Berpizkunde garaiko italiar moldeei jarraiki moldatua da poema; obra hau Portugalgo poema nazional bihurtu zen. Soneto, oda, egloga eta elegia ugari idatzi zituen portugesez eta gaztelaniaz. Hiru komedia ere eman zituen argitara.

[Idazleari buruzko informazio gehiago]