Mérimée, Prosper. Idazle frantsesa (Paris, 1803 - Cannes, 1870). Hizkuntzalari eta arkeologo ere izan zen. 1825ean argitaratu zuen lehen liburua, Théâtre de Clara Gazul (Clara Gazul-en antzerkia). 1834an monumentu historikoen begirale izendatu zuten eta 1853an senadore izan zen. Haren eleberrien artean ezagunena Chronique du règne de Charles IX (1829) izan zen. Baina sona handiagoa eman zioten kontakizun laburrek. Horietarik azpimarragarrienak dira: Mateo Falcone (1829), Les âmes du purgatoire (1834, Purgatorioko arimak), La Vénus d'Ille (1837), Colomba (1840) eta Carmen (1845), Bizet-ek operarako egokitu zuena. Stendhal, ordurako hila zenari buruzko oroitzapen liburu bat argitaratu zuen 1885ean Notes et souvenirs izenburuarekin.

[Idazleari buruzko informazio gehiago]