Montale, Eugenio. Idazle italiarra (Genoa, 1896 - Milan, 1981). Bere poemek estilo hermetikoa dute, pesimismoa, eta egungo gizakiaren angustia eta bakardadea islatzen dute. Pegaso, Pan, Solaria eta Letteratura aldizkarietan idatzi zuen. Croce-k bultzatu zuen faxismoaren kontrako adierazpena izenpetu zuen idazleetako bat izan zen. 1945ean Corriere della sera egunkariko zuzendari izendatu zuten. Italiako XX. mendeko poeta nagusitzat hartua da, Ungarettirekin batera. Idatzi dituen lan aipagarrienak: Ossi di seppia (1925, Sepia hezurrak), Occasioni (1939), Quaderno di traduzioni (1948); La bufera e altro (1956, Ekaitza eta beste), La farfalla di Dinard (1961, Dinard-eko tximeleta), hitz lauzko lana; Auto da fe (1966), Satura (1971) eta Sulla poesia (1976, Poesiaz), lan kritikoak. Literaturako Nobel saria jaso zuen 1975ean.

[Idazleari buruzko informazio gehiago]