I

Etxolen
meatzeen
eta soroen
mundu eder

II

Aurpegi surtarako on
hotzarentzako aurpegi on
arbuioarentzako
gauarentzako
irainentzako
eta kolpeentzako
on

III

Aurpegi orotarako on
ezereza daukazue so
zuen heriotzarekin leziatuko gaituzte

IV

Heriotza
bihotz-ikara

V

Ordainarazi dizuete
ogia
ortzia
lurra
ura
logura
eta zuen bizitzarena
miseria

VI

Elkarkidetza nahi omen zuten
gizalegearen gizalegea
indartsuak zentzatzen zituzten
eroak epaitzen
limosna eskatzen
sosak banatzen
hilotzak gurtzen

VII

Tematzen dira
neurriz kanpo
ez dira gure mundukoak

VIII

Andreek haurrek
altxor berdina dute
udaberriko hosto berde
eta esne garbizkoa
eta betikotasunarena
haien begi garbietan

IX

Andreek haurrek
altxor berdina dute
begietan
ahal bezala defendatzen dutena
gizonek

X

Andreek haurrek
arrosa gorri berdinak dituzte
begi-ninietan
odol-ikur

XI

Bizitzeko
eta hiltzeko
ikara
eta ausardia
heriotza
hain zaila
hain erraza

XII

Gizonak
zeinentzat altxor hori goretsi zuten
gizonak
zeinentzat altxor hori galdu zen

XIII

Gizonak
zeinen etsipenak
esperantzaren su bizia elikatzen duen
zabal dezagun elkarrekin etorkizunaren
azken kimua

XIV

Pariak
heriotza lurra eta higuina
gure etsaiena dute
kolore
gure gau beti berdinena
garaituko ditugu.