Morrison, Toni. (sortzez Chloe Anthony Wofford). Estatu Batuetako eleberrigilea (Lorain, Ohio, 1931 - New York, 2019). Albany-ko eta Princeton-eko unibertsitateetako irakasle eta New York-eko argitaletxe bateko zuzendaria izan zen. Haren liburuek, emakumeek bereziki, Estatu Batuetako gizartean bizi zuten egoera aztertzen zuten. Lehen eleberria: The Bluest Eye (1970, Begirik urdinena), begi urdinak izan nahi lituzkeen neska beltz baten istorioa. Beste batzuk: Sula (1973), Song of Solomon (1977), Tar baby (1981, Bikezko haurra), Beloved (1987, Maitea —2004an euskaraz argitaratua, Anton Garikanoren itzulpenaz—), Jazz (1992), Paradise (1997), Love (2003), Home (2012), God help the child (2015). Pulitzer saria irabazi zuen 1988an Beloved obragatik, eta Literaturako Nobel saria 1993an.

[Idazleari buruzko informazio gehiago]