Coleridge, Samuel Taylor. Filosofo eta poeta ingelesa (Ottery Saint Mary, Devonshire, 1772 - Londres, 1834). 1796an argitara eman zuen poema bilduma (Poems on various subjects, Hainbat gaiei buruzko poemak) eta 1798an, William Wordsworthekin batera idatzi zituen Lyrical Ballads balada Ingalaterrako erromantizismoaren aitzindaritzat hartzen dira. Alemaniako erromantikoen ildo beretik abiaturik (Kant eta Schelling alemaniar idazleen lanak ezagutarazi zituen Ingalaterran), Plotinoren eta neoplatonikoen gaiak biltzen zituen filosofia mistiko batera lerratu zen (Aids to reflection, 1825, Gogoetarako lagungarriak). Ospe handia izan zuen literatura kritiko gisa eta berebiziko bultzada eman zion genero hari Shakespeareri buruzko hitzaldiak eta Biographia Litteraria (1817) bitartez.

[Idazleari buruzko informazio gehiago]