Hegada eta desioa
I
Perquè l'obscur és fertil I tothora hi alenen paraules Josep Palacios
Denboraren azala urdintzen duten itzalaren tolesdurak, ixilaren hozkadurak. Baina betiera argia da eta bizi da hondarra baino harago, hitzak argi-ilunaren babesean airea hartzen dutenak.
Begira pendulua, gaua eta makala oraintxe arratsez orriak galtzen ari dena.
II
La conscience a horreure de vide
Paul Valery
Altzifresaren itzalak harrituko banindu, zalantza izango nuke edo astigarrak, ixilean hasten denak, ilargirantza itzulirik.
Ur kristala: itzalen ohean geldirik den ibaia.
III
Baina urak astigarra inguratu du, altzifres zaharra, kraterrak, eremua... eta ibaiaren aurka bidali ditu hitzak.
Lokatzan galtzen dira, ala isilarentzat maneatu ote dira?
IV
Irudirik gabe paisaia: itxaso berria, irudiak, susmoak.
Baina kiribilaren erdian irauten duzu, ispilurik ez, isila baino. Eta ametsaren misterioak eta argi-ilunak irudikatzen duzun lurrin sakona ekartzen dizute.
Mugaz hona orduek krisantemoaren zuria dute.
V
Itzalen itzal: argi-ilunak adierazten duen patua eta egunen kraterraren sua
Grina eta hitza. Harri urtuen ibaietatik sortzen dira denboraren mugak, hain berri, hain izugarri!
VI
Begiratu: isilaren artean amarauna aurkitu.
Zuri eta egosi.
Hondarrean jarriko dugu, agian arrats beheraren ezkon-ohea.
Nireak ala zureak, ote begiak?
VII
und über dem Wasser ein Wort... Paul Celan
Ura harria da eta erramuak eta kresala eta hondar urdinezko oroimenak
Eta zer ardura du zirkuluak galduz gero begiradaren hondoan?
VIII
Ezustezko hegaztia eta arratsa lehertzen da begirada ezinezkoan.
Zerutik jaitsiko balitz, zein akaziatik jausiko litzateke heriotzaren zurbila? zein leiarraren atzean tiraren airea?
Eta hegada betikoa balitz?
IX
Itzalaren bihotzean, patu eta itxaropenaren kolpez, sua berpiztu dut laztanez, eta kraterrez begiak sortu ditut argi zurian.
Izua dagit aurreratzen duzun beste infernu baten subiziak.
Begiradarik gabe itzuliko zara?
X
Hitza eta begirada: hainbat oroirenen argi epeldua itzultzen digun ispilu zaila.
Itsua eta isila: itzalen bestaldean erretzen duen suaren gripa.
Zein errautsetatik aire berria?
Hegada eta desioa |