Gudaren amaieran

borrokatzailea hilda, gizon bat iritsi zitzaion

eta esan: “Ez zaitez hil, hainbeste maite zaitut eta!”.

Baina gorpuak, ai, hiltzen jarraitu zuen!

 

Bi hurbildu zitzaizkion eta esan zioten:

“Ez gaitzazu utz! Animo! Itzul zaitez hirira!”.

Baina gorpuak, ai, jarraitu zuen!

 

Beste hogei, ehun, mila, bostehun mila

hurbildu zitzaizkion oihuka: “Hainbeste maitatu

eta ezin deus egin ahal herioaren kontra!”.

Baina gorpuak, ai, hiltzen jarraitu zuen!

 

Milioika gizonez inguratu zuten

erregu bera eginez: “Geldi zaitez, anaia!”.

Baina gorpuak, ai, hiltzen jarraitu zuen!

 

Orduan lurreko gizon guztiek

inguratu zuten; gorpu triste eta emozionatuak

ikusi zituen;

zutitu zen astiro,

besarkatu zuen lehen gizona eta ibiltzen hasi zen...