HIRIKO MUSIKARIAK
Beti pizten didate samurtasuna musikariek
miserableetan miserableenak izanda ere. Beren rastekin eta eskuz ehundutako
eskumuturrekin. Lurpeko igarobidean daudenean
oboearekin eta tonu zorrotz eta zolian
jotzen Alaitasunari Oda edota Highway to Hell
birimbaoarekin hiriko ateen aurrean
edo mandolina belaun gainean gerrako memorial baten azpian
Katy Perryren kanta baten bertsio gitanoa.
Musikariek beti pizten didate samurtasuna
ez da beharrezkoa etzanda egotea kontrabaxuaren azpian
edota hegalei eragiten fagotak zanpatuta Kafkaren labezomorroa bezala
aski da hanpatzen ari den lepoa, orban horia
biolinak min ematen duen tokian edo tronpeta nahiz tronboia
puztearen puztez handitutako apo-masaila horiek.
Zuok, musikariok, animatu egiten nauzue, pausoaren martxan
kapelaren atzean eta zubietan ez duzue apenas kobratzen
erritmoari eusteko xahutzen duzuena
HIRIKO MUSIKARIAK |